Tim McMorris Life is Beautiful

(Source: youtube.com)

Eminem- Beautiful pain ft Sia Lyrics ( The Equalizer Soundtrack )

(Source: youtube.com)

Two Night Stand Official Trailer #1 (2014) - Analeigh Tipton, Miles Tell…

(Source: youtube.com)

Дуртай зүйлээ хийх

Хүсэл. Та өөрийнхөө дуртай зүйлээ ямар ч нөхцөл байдалтай байсан юунаас ч үл хамааран хийж чадна.

Таашаал. Хийж байгаа зүйлдээ хамаг анхаарлаа хандуулж нэг төрлийн бясалгалд орох болно. Цаг хугацаа асар хурдан өнгөрч эргэн тойронд болж буй зүйлс хамаагүй болно.

Ур чадвар. Хэрвээ өөрийнхөө дуртай зүйлээ хийж байгаа бол түүндээ улам мэргэшиж сайжрах хүсэл тэмүүлэл үргэлж төрөх болно. Хийж байгаа зүйлтэйгээ холбоотой ном, сонин, нэвтрүүлэг, ярилцлага гэх мэт юунаас ч хоцрохгүй байхыг хичээнэ.

Туршлага. Та өөрийн бүтэлгүйтлээс суралцсан зүйлс, арвин туршлагаасаа бусадтайгаа хуваалцах болно. Нэгэнт дуртай зүйлээ хийгээд эхэлснээс хойш мэдлэг амархан олдоно.

Шинэ зүйлд үргэлж нээлттэй байх болно. Дуртай зүйл чинь танд үргэлж эрч хүч өгч хэдэн цагаар ч үүнийгээ хийхэд бэлэн болдог. Шинэ хүмүүс, шинэ адал явдал, шинэ аялал гээд олон зүйл цаана нь хүлээж байгаа.

Мөнгө чухал зүйл байхаа больдог. Хайртай зүйлээ хийж байхад хажуугаар нь их мөнгө үрэх шаардлагагүй гэдгийг ойлгож эхлэх үед мөнгө өөрийн эрхгүй орж ирдэг. Энэ нь үнэхээр сайхан.

*Нэгэн хэвийн амьдрал* - аар үхэх гарын авлага

Өнөөдөр нэг сонирхолтой “сөрөг” зөвлөгөө өгнөө: “Хэрхэн бусдын адилаар уйтгартай, нэг хэвийн, адал явдалгүй амьдралаар амьдрах вэ?” гэдгийг хэлж өгье…

 
 
Өнөөдөр нэг сонирхолтой “сөрөг” зөвлөгөө өгнөө: “Хэрхэн бусдын адилаар уйтгартай, нэг хэвийн, адал явдалгүй амьдралаар амьдрах вэ?” гэдгийг хэлж өгье. Дараах дүрмүүдийг сайн дагавал чи нийгмийн үнэнч “робот цэрэг” болоод зогсохгүй “жинхэнэ алтан дундаж” хүн болно шүү. За ингээд тийм болохын тулд чамд юу юу хийх ёстойг заагаад өгье.
 
 
 
 
Өөрийн гэсэн дотоод ертөнцөө нээх, онцлогоо харуулах талаар бодох хэрэггүй. Хэн нэгэн гарч ирээд Өвлийн өвгөн жинхэнэ биш гэж хэлэх хүртэл Өвлийн Өвгөн үнэхээр байдаг гэдэгт итгэ. Улс төрчид ч гэсэн ер нь худлаа ярьдаггүй шд. Ийм байдлаар л амьдралд хандах хэрэгтэй.
 
 
 
 
Байгаа зүйлийг байгаагаар нь л хүлээж ав, өөрчлөлт хийх гэж биеэ зовоох хэрэггүй. Хэрвээ ямар нэгэн зүйлд сэтгэл дундуур байгаа бол түүнийгээ илэрхийлэх хэрэггүй,чимээгүй сууж байсан нь хамгийн зөв шийдвэр. Ингэж байж л чи бүх хүмүүст “таалагдана”, алтан дундаж хүн болж чадна шүү дээ.
 
 
 
 
Их сургуульд орох нь ажилтай болох маш том боломж юм. Дээрээс нь бусад хүмүүсийн хажууд өндөр “боловсролтой” хүн шиг харагдана. Тэрнээс биш их сургууль юм сурах, өөрийгөө хөгжүүлэх, хэн бэ гэдгээ мэдэх, амьдралын зорилгоо ухамсарлах, дэлхий ертөнц, бусад хүмүүсийг таньж мэдэх газар биш юм. 
 
 
 
 
Дундаж амьдралаар амьдрахын тулд нэг алтан дүрмийг дагах хэрэгтэй – илүү, дутуу зүйл хүсэх хэрэггүй юм. Их сургуулиа төгсөөд нэг ажил олоод ав, дараа нь тэр газартаа аль болох хүмүүсийн нүдэнд өртөхийн тулд юу дуртайгаа хийж болно – өөрөөр хэлбэл гайгүй ажил дээр нүхээ эртнээс ухах хэрэгтэй.
 
 
 
 
Бусад улс орноор аялах нь чиний хийх ёстой зүйлүүдийн нэг байх ёстой ч comfort-zone’ – оосоо хэтэрсэн үйлдэл хийгээд хэрэггүй – хамгийн аюулгүй, зардал багатай, хялбар арга замыг сонго.
 
 
 
 
 
Нэг байшинд үлдсэн амьдралаа өнгөрөөх хамгийн сайхан мэдрэмж биз дээ, тийм үү?
 
 
 
 
Өөрийгөө өөр өнцгөөс нээж харуулах, шинэ зүйл сурах нь “цөөнхийн буюу онцгой” хүмүүсийн хийдэг ажил. Дээрээс нь толгойгоо гашилгаж хайран цагаа ийм хэцүү зүйлд үрээд яахавдээ. Үүний оронд ТВ – рээ үзээд сууж байсан нь дээр. Ер нь аливаа юм хялбар биш бол оролдох хэрэггүй дээ. 
 
 
 
 
Ер нь бол амьдрал дээр маш олон зүйлийн талаар сайхан мөрөөдөөд, төсөөлөөд бодох хэрэгтэй – гэхдээ нэгийг нь ч битгий хэрэгжүүл. Ийм зүйл хийх нь зөвхөн “байгалиасаа төрсөн, авьяастай”  хүмүүст хамаатай юм. Чиний оролдоод байх зүйл биш – чи чинь алтан дундаж шүү дээ. Мартаагүй биз дээ.
 
 
 
 
Бизнес хийнэ гэдэг бол маш том эрсдэл. Зоригтой хүмүүст л эрсдэл зохино. Тиймээс найз минь ийм аюултай юмаар оролдож амьдралаа сүйтгээд яахав.
 
 
 
 
 
Олны анхааралд байх сайхан гэхдээ бүх хүн чам руу анхаарлаа хандуулаад ирэхээр чиний амьдрал, нэр төрд аюултай, эрсдэлтэй болоод ирнэ. Мөн тэд чамайг удирдагчаа гэж харвал яана – бөөн хариуцлага чиний толгой дээр ирнэ. Дээрээс нь бусдаас онцгойрч өөрийн хэв маягтай стильтэй хувцаслах талаар бодох ч хэрэггүй – хүмүүс чамайг муу л хэлнэ.
 
 
 
 
 
Урдаа байгаа юмаа л хий – илүү юм руу хошуу дүрэх хэрэггүй. Дундаж байна гэдэг чинь гоё байхгүй юу, яг л чиний хийх ёстой зүйл. Өөрөөр хэлбэл, алтан дундаж байх нь чиний хамгийн чухал чадвар юм шүү. 
 
 
Эцэст нь хэлэхэд…
 
 
Баяр хүргэе, чи бусдын адилаар уйтгартай, нэгэн хэвээр амьдарч чадлаа.

Зааварчилга: Найз залуугаасаа ингэж салбал ямар уу?

Бид хосуудын харилцааны талаарх сэдвийг үргэлжлүүлэн энэ удаа нэгэн бүсгүй хэрхэн найз залуугаасаа өвөрмөц аргаар салсныг ярьж өгье. Салсан ч гэж, найз залуу нь Кейси гэх бүсгүйтэй харилцаж байсныг мэдээд өшөөгөө авсан гэх үү дээ. Юутай ч үүнд шалтгаан бий:
 

 

"Сайн уу хонгор минь! Хэний Facebook -т нээлттэй байхад нь Кейсигаас захиа ирсэн гэж бодож байна?" Тийм ээ! Чинийхэд! :) Гэхдээ санаа зоволтгүй, би янз бүрийн юм хийгээгүй! Үүний оронд би чиний эд зүйлсийг баглаж орхилоо! Тэгээд нэгэнт би чамайг өөр охидуудыг харах дуртайг мэдэж байгаа болохоор нэгэн сонирхолтой тоглоом сэдлээ! Тиймээс чи өөрийн эд хогшлоо дараах газруудаас олж болно:
  • Чиний зүйлүүд хоёулангийн анх уулзаж байсан газар байгаа!
  • Чиний компьютерын тоглоомууд хоёулангийн анх үнсэлцэж байсан газар байгаа!
  • Чиний зөөврийн компьютер хоёулангийн анхны компьютер тоглоом худалдаж авч байсан газар байгаа!
  • Чиний зураг “хоёулангийн үүрд хамт байна” гэсэн газар байгаа!
  • Харин үлдсэн бүх зүйл нь бид хоёрын 2 жилийн хамтын амьдралын туршид авахуулсан зургуудын хамт КЕЙСИГИЙН ГЭРТ БАЙГАА!
Нэмж хэлэхэд би юу ч эвдлээгүй ч хэн нэгэн чиний зүйлүүдийг олоод авахыг үгүйсгэж чадахгүй нь. Ан хийхэд чинь амжилт хүсье!”

Зэрлэг үү?

Амьдрал өөрчлөх 25 асуулт

Амьдрал өөрчлөх 25 асуулт

Хүн чанар: Ахмадуудаа баярлуулах амархан аргууд

 
Монголчууд бид америк, оросуудыг бодвол ахмадууддаа хүндлэл үзүүлэх нь илүү байдаг. Наад захын орос, англи хэлэнд ээж аав эмээ өвөөгөө “you” буюу “чи/та” (ихэвчлэн чи гэх утга санаатайгаар) хандаж байхад бид “та” хэмээн хүндэтгэлтэйгээр харьцаж үүнийгээ дагаад хэлсэн үгнүүдийг нь анхааралтай сонсож биелүүлэхийг хүсэж, хичээдэг. Гэхдээ зарим нэг нь ахмад хүмүүсийн өөдөөс хэрэлдэж гомдоодог ч байх. Бодоод үзвэл энэ нийтлэлийг унших чи/та ч хэзээ нэгэн цагт хөгширч нүүрэн дээрээ үрчлээстэй болно…
 
 
ГАР УТСЫГ ОЙЛГОХОД НЬ ТУСЛАХ
 
 
“Асаахын тулд on товчлуураа удаан дарж, мэссэж шалгахын тулд дугтуйн дээр дараад inbox руу орно” гэх зүйлүүдийг заагаад өгөхөд тийм ч хэцүү биш шүү дээ. Үүнийг хийхийн тулд тэвчээр, бага зэрэг цаг болон ойлгомжтой тайлбар хэрэгтэй байдаг. Харин зааж өгсөн зүйлийг чинь мартах ч юм уу, ахин дахин асуугаад байвал битгий уурлаж бухимдаарай.
 
 
ОРОЙ 22 ЦАГААС ХОЙШ ШУУГИХГҮЙ БАЙХ
 
 
Нэгэнт чиний л гэр болсон хойно хүссэнээ хийж болноо: найзуудаа авчирна уу, архи ууна уу, хөгжим тоглоно уу, порн үзнэ үү өөрөө мэд. Гэхдээ эмээ өвөө чинь хэд хоног танайд байхаар болвол тэднийг жоохон хүндлээд 22 цагаас хойш дуу хөгжмөө багасган ахмадууддаа амрах цаг өгөөрэй. Бид хэд шиг шөнө 3-4 хүртэл интернетэд суудаг хүмүүс биш гэдгийг мартаж болохгүй шүү. Харин өдрийн цаг дуу сонсоход хөрш авгай паар нүдээд уурлаад байвал “давар” л гэж хэл дээ.
 
 
АВТОБУС, ТРОЛЛЕЙБУС, ДЭЛГҮҮР ДОТОРХ ЭГНЭЭ ГЭЭД ЕР НЬ ХААНА Ч ЗАЙ ТАВЬЖ ӨГӨХ
 
 
 
ДЭЛГҮҮРЭЭС ХҮНС ЦУГЛУУЛЖ ӨГӨХ
 
 
Нэг удаа дэлгүүр яваад хэдэн хил төмс, мах аваад ирвэл эмээ өвөө чинь чамд гүй ээ мөн их баярлаж амттай хоол хийж өгнө дөө. Тиймээс эмээ өвөөгийнхөө насыг бодоодзалхууралгүйгээр дэлгүүрээс хүнсээ цуглуулаад өгөхөд тийм ч хэцүү биш байх, тийм үү?
 
 
ХИЙСЭН ХООЛЫГ НЬ АМТАРХАН ИДЭХ
 
 
Хэдий чи гурилтай шөл, будаатай хуурга, адууны чанасан мах, цувдаанаас залхсан эсвэл дургүй ч гэсэн эмээ өвөө нь ийм хоол хийж өгвөл (ихэвчлэн эмээ нар хийж өгдөг л дөө) дуртай зүйлээ идэж байгаа мэт амтархан идээд, аяга тавгаа угааж байгаарай.
 
 
ТАНИХГҮЙ ҮГНҮҮДИЙГ ӨӨРСДИЙНХ НЬ ХЭЛЭЭР ТАЙЛБАРЛАХ
 
 
А – Айрон мэн: "эмээ, нэг тийм суут ухаантан байдаг юм, бууны сум нэвтэрдэггүй төмрөөр өөртөө хувцас хийсэн болохоор хир баргийн юманд үхэхгүй. Дээрэнгүй, дураараа хүмүүсийн шийрийг хатаадаг."
Х – Хип-хоп: "эмээ, шүлэг унших дуртай хүмүүс дуу тавьж байгаад шүлэглэхийг хип-хоп гэдэг. Нэгэнт ард нь аялгуу явж байгаа болохоор дууны төрөлд хамруулсан. Сүүлийн хэдэн жилд ийм юм болсон юм даа."
М – Монстр: "өвөө, энэ үгийг нээх хэрэглэдэггүй юм аа, гэхдээ санаж байна уу, дээр үед агуйнд нуугддаг байсан алмасууд байсан даа, тэд нарыг чинь л монстр гээд байгаа юм."
А – Айфон: "хэрвээ утас зөвхөн хоорондоо ярих зориулалттай байсан бол одоо утсаар дуу сонсож, тоглоом тоглож, кино үзэх товчлуур гэж байхаа больсон, гарынхаа хуруугаараа л бүхнийг удирдана. Гэхдээ бас Эйч-ти-си гэж байдаг, гэхдээ тэр нь надад таалагддаггүй."
Д – Дис: "эмээ, нөгөө хип-хоп гээд байсан дуун дээр шүлэг уншихдаа таалагдахгүй байгаа хүн эсвэл нөхцөл байдлаа муулахыг дис гэнэ. Жишээ нь Дамдин гуай таныг муугаар хэлээд байвал энэ нь таныг дис хийж байна гэж ойлгоно."
 
 
СОГТУУДАА НҮДЭНД НЬ ӨРТВӨӨ
 
 
Эмээ өвөө, ахмадуудын одооны хүүхдүүд эх зах, замбараагаа алдсан гэх үглэлийг нь би ч, чи ч, найзууд чинь ч залхтлаа сонссон. Тэгж хэлэх бүрт эмээ өвөө нарын зүрх өвдөж, ааш муутай болж, энэ нь цаашлаад муу зуршил болохоос гадна эрт зөнөхөд хүртэл нөлөөлөх учраас ахмадуудынхаа нүдэнд аль болох цоглог, эрүүл, хөөрхөн хүү/охин болж харагдаж байгаарай.
 
 
ЧАМД ЯМАР Ч ЗӨВЛӨГӨӨ ХЭРЭГГҮЙ БАЙСАН Ч АСУУХ
 
 
Ахмадууд өөрсдийнх нь насаараа хуримтлуулсан амьдралын туршлагаа хэн нэгэнд ч болтугай хэрэг болоосой гэж боддог. Дөнгөж 50-ийн талыг насалж байгаа бид юу юугүй л туршлага мэдлэгээ бусдад тулгаж заах гэж оролдож байхад энэ бүлгийн хүмүүсийг ойлгож болно. Тэгэхээр ядаж урмыг нь бодоод эмээ өвөө нар аа хүндлээд хэлж байгаа зүйлүүдийг нь сонсож байх хэрэгтэй гэдгийг хэлэх гэсэн юм.
 
 

Хамгийн сайн найздаа зориуллаа

Нөхөрлөл гэдэг амьдралын тань нэгээхэн хэсгийг нөхөх гэж төрсөн хүний хайрыг хэлдэг юм.
Насаараа хамт байж, баяр зовлонг нь хамт хуваалцах үнэнч найзтай байна гэдэг асар их хувь завшаан. Учир нь хүн гэдэг үргэлж урмаар тэтгэгдэж, өсөж дэвжихээс гадна хэн нэгэнд итгэж, зөвлөгөө авч, сэтгэлээ онгойтол ярилцахыг хүсэх үе амьдралд бишгүй тохиолддог. Харин сайн найз гэдэг энэ хүслийг биелүүлж, ямар ч үед хамт байж мөрийг чинь түшиж тулах хүнийг хэлнэ.
 
 
Тиймдээ ч Нэгдсэн Үндэстний Байгууллага найз нөхөрлөлийн сарыг хүртэл албан ёсоор бий болгож 8-р сарыг сонгожээ. Энэ сард өөрийн бүх ажлаа хойш тавьж дотны анддаа цаг гарган, гомдоож байсан бол уучлалт хүсэн, харилцан уучилж, халуун дулаан яриа өрнүүлэн, нандин мөч бүрээ дурсдаг юм байна.
 
 
 
 
 
Зарим нь хар багаасаа найзалж

Зарим нь хэзээ ч юм нэг л мэдэхэд нөхөрлөж эхэлдэг ч

Сайн найзыг олно гэдэг ховор тохиолдол

Жинхэнэ найзад чиний мөнгө, эд хөрөнгө хамаагүй

Чиний ямар үндэстэн байх нь ч хамаагүй

Хэдэн настай байх нь чухал биш

Тэр чамайг хэцүү үед хэзээ ч ганцааранг нь үлдээхгүй

Чамайг сонсоход үргэлж бэлэн

Хэцүү цагт тусална

Хажууд нь үргэлж өөрийнхөөрөө байж чаддаг

Элдвийн тэнэг зүйл сэтгэх ч энүүхэнд

Чамаар тоглоом хийдэг ч

Хэрэгтэй үед байгаа бүхнээ золиосолж чадна
 
 
Чамайг асарч

Унтаж байхад чинь хөнжлөөр хучиж

Бүтэлгүйтэхэд дахин босох эрч хүч бэлэглэдэг

Чамайг ойлгоход олон тайлбар шалтгаан түүнд хэрэггүй

Амжилтанд чинь чин сэтгэлээсээ баярлаж урам хайрладаг

Учир ийм л хүнийг сайн найз гэж хэлнэ